Viðskiptareglur 

Vörur eru ekki teknar til baka, en reynist hlutur ekki í lagi bætum við hann með samskonar varahlut.

Sé bíll rangt bilanagreindur er það ekki á ábyrgð Bílaparta.

Bílapartar bæta aldrei verkstæðiskostnað vegna viðgerða og skipta á varahlutum.

Reynist hlutur ekki í lagi fæst honum skipt innan 7 daga með framvísun reiknings.

Komi upp ágreiningur um ástand hlutar áskilur Bílapartar sér rétt til að fá álit 3. aðila.

Öll verð á varahlutum er með vsk. 

Afhending varahluta

​Varahlutir sem þegar er búið að rífa úr bifreiðum afhendast samdægurs.
​
Afhendingartími varahluta sem staðsettir eru í bíl við kaup er eftir samkomulagi viðskiptamanns og seljanda. Bifreiðar geta verið staðsettar á þannig stað í porti að erfitt getur reynst að nálgast varahlut. Því er viss tími sem getur farið í að færa frá bifreið. Bílapartar ehf árétta að viðskiptamaður hringi á undan sér og staðfesti komu svo allt sé á hreinu og gangi vel fyrir sig. Bílapartar ehf geta krafist staðfestingargjalds á varahlut áður en varahlutur er rifin úr. ​Staðfestingagjald fæst að fullu endurgreidd reynist hlutur ekki í lagi.

Sendingar

Pantanir sem berast eru sendar út á pósthús og greiðir viðtakandi sendingarkostnað. Pantanir verða að berast fyrir kl: 14:30 til að nást út á pósthús þann dag. Sendingar pantaðar eftir það fara útá pósthús daginn eftir nema annað sé tekið fram.

Hægt er að fá stærri hluti senda með Landflutningum eða Flytjanda sé um það samið og greiðir viðtakandi sendingarkostnað við afhendingu. 
​
Sé óskað eftir að hlutur sé sendur með flugi greiðir viðtakandi sendingarkostnað, auk þess að greiða leigubílakostnað útá flugvöll frá Mosfellsbæ.